Para Sa Mas Mataas Na Grado, Patayin Muna Ang Telebisyon

    Bata pa lang ako ay kinamulatan  ko na ang panonood ng telebisyon.Noon,halos buong araw akong nakatutok sa T.V. dahil kinagiliwan ko ang mga palabas.Kaya mahirap sa akin nung  una ang pagtigil ang panunuod ng T.V. dahil nakagawian ko na ito.Ngunit,dahil sa aking determinasyon ay napagtagumpayan kung labanan ang tuksong manuod ng telebisyon.Ito ay dahil gusto kung  igugol ang aking oras sa  mga produktibong gawain  imbes  sa panunuod lamang ng telebisyon mapupunta  ang aking oras.

    Alam ba ninyo na ang  pagbabawas ng panonood ng telebisyon ay nakakatulong sa pagtaas ng ating grado ? Oo , ito ay nakakatulong sa ating grado dahil kapag tayo ay laging nanonood ng telebisyon  ang ating memorya ay nabubura dahil ang atensyon lamang ng ating isip ay ang programa na pinapanood natin. Ang iyong memorya ay nakadepende sa iyong magandang kalusugan. Ang telebisyon ay isang pasibong gawain,  habang ang pagbabasa ay aktibo at anumang aktibong gawain ay mas mainam daw sa isip , Ang pagkakaroon ng aktibong pag- iisip ay mahalaga sa memorya at ang mga programa sa telebisyon gaya ng balita ay mainam daw sa atin. Kaya hindi naman talaga masama ang panonood ng telebisyon. Binabawasan lamang nito ang oras na dapat sana ay ginugugol natin sa ibang gawain na mas aktibo para sa ating pag-iisip.

      Ang panunuod ng telebisyon ay meron ding mga isyu ng kalusugan tulad ng depresyon , obesity, kakulangan ng tulog , pagsakit ng mata at pagkirot ng katawan.Ang taong mahilig manuod ng T.V. ay kalimitang pagod at nawawala sa konsentrasyon.Ilan lamang ito sa masamang epekto sa labis na panunuod ng T.V. Hindi naman pala mahirap pakawalan ang pagkagiliw sa T.V. kung sasanayin mo ang sarili.Kung hindi talaga kayang burahin ang T.V. sa ating  buhay  ay mainam na bawas-bawasan na lamang ito dahil ito rin ay para sa ating ikabubuti.Ika nga nila,lahat ng sobra ay masama—sang-ayon ba kayo?